الاتيكــــيت في الاكــــــل..

1- خدي بالك لو معزومة على الغداء أو العشاء إنك تروحي قبل الميعاد بوقت قليل.. يعني قبل معاد الغداء بحوالي ربع أو نصف ساعة، لأنه مش من الإتيكيت إنك تروحي بدري عن كده وتفضلي قاعدة إلا إذا كانت العلاقة بينك وبين المضيف علاقة قوية قوي، كمان مش من الذوق إنك توصلي متأخرة عن معادك، يعني من الآخر الحكمة المتبعة في هذا الموضوع هي "خير الأمور الوسط" لا بدري ولا متأخر.

2- ياريت وإنتِ رايحة إنك تاخدي هدية شيك معاكِ ممكن تاخدي طبق حلويات أو بوكيه ورد شيك.

3- خدي بالك وإنتِ قاعدة على المائدة إن يكون جسمك في وضع مستقيم وإن إيديكِ تكون على طرف المائدة وبهدوء شديد تاخدي فوطة المائدة وتحطيها على رجلك ومش من الإتيكيت نهائي إنك تحطي الفوطة تحت الطبق أو تربطيها حول العنق إلا للأطفال.

4- خدي بالك إنك ماتاخديش طعام أو شراب من على السفرة إلا بعد ما تحصلي على الإشارة الخضراء من المضيف يعني يقول "اتفضلوا".

5- خدي بالك إنه مش من الإتيكيت نهائي إنك تعملي أصوات مزعجة أثناء الأكل أو الشرب.

6- خدي بالك إنك ماتنحنيش على الأكل، يعني وإنتِ ثابتة في مكانك ابدئي في الأكل من غير ما تقربي فمك إلى الطعام.

7- مش من الإتيكيت إنك تتكلمي وإنتِ في فمك طعام ومش معنى كلامي ده إني باقول لك اقعدي كلي وإنتِ ساكتة، لا اتكلمي بس بعد ما تبلعي الأكل، وبخصوص النقطة دي أحب أقول لك إن فيه كلام مش مناسب نهائي إنه يتفتح على الأكل، زي الكلام عن الحوادث والمرض، يعني خلي موضوع الكلام عن حاجات تفتح النفس تكون عبارة عن الأخبار الخفيفة السعيدة.

7- من الإتيكيت أن يشترك معظم الجالسين في الحديث وتجنبي نهائي الأحاديث الجانبية على الطعام.

8- يمكنك تجفيف الفم بالفوطة وخاصة قبل تناول كوب الماء حتى لا يترك آثارا دهنية على الكأس.

9- بعد الانتهاء من تناول الطعام حطي فوطة الطعام على السفرة على الجهة اليمنى للطبق الخاص بكِ.

10- مش من الإتيكيت إنك تمشي بعد انتهاء الطعام على طول، يعني حاولي إنك تقعدي بعد الغداء مع المضيف لمدة حوالي ساعة تشربي فنجان قهوة وتشكريه على حسن الضيافة وحسن إعداد الطعام.

شكــرآ..!
المـوضوع رآق لي

موضوع جميييل

الاتيكــــيت في الاكــــــل.. 3978038764